ямар нэг зүйл хэрэгтэй байна

Өрөөний гэрэл анивчина, энэ нь илүү тухтай санагдана. Надаас шалтгаалахгүй гэрэл бага багаар унтарч байгаад баярлана. Ингээд нэг мөсөн унтарчихаасай, ахиж хэзээ ч асахааргүйгээр.
Ахиад л гэрэл гэгээгүй, чимээ шуугиангүй, хүмүүс ч үгүй газрыг хүсч байна.
Ахиад л хүн бүрийн инээд, дуу хоолойг аймшигтай ихээр үзэн ядаж байна.
Биеэ хураагаад, ямар нэг харанхуй гэрэлгүй газар өдөржин хэвтмээр байна. Энэ үед харин ганцхан та л хажууд ном уншиж өгөөд суугаасай. Энэ л үед та гарын хурууныхаа араар хацрыг минь зөөлхөн илээсэй.