Цэнхэр сарны туяа

Нүдэнд дулаахан бүсгүй чи
Юунд надтай учрана вэ
Нүгэлт энэхэн хорвоод
Хоосон уйтгарлах хэцүү юм

Алгаа тоссон хүн бүхэнд
Аз жаргал заяадгүйгээс хойш
Алаг хорвоогийн манан дунд
Нүдээрээ уруул дээр чинь үнсье

Хөх тэнгэрийн уудамд
Шувууд дураараа цэнгэдэг юм
Хүн болж төрсөн
Бидний заяа өөр шүү дээ

Уран байгалийг хөгжөөх шиг
Шувуудын жиргээ сонсогдоод
Урсах цагийн нулимс
Улаан навчис шиг зүсэрнэ



Тэнгэрт шувууд
Газарт хүмүүс
Зарим хүмүүс тэнгэрт
Зарим шувууд газарт
Өөр өөрсдийн замаар
Хамт нисэхгүй